سؤالي بخصوص غيرة الحريم

السلام عليكم ورحمه الله وبركاته ....

سؤالي واضح من العنوان بخصوص غيره بعض الحريم أو انعدامها بشكل قااطع من
حياتهم الزوجيه وفي بعض الامثال أنا عايشتها من تجارب صديقاتي أو بعض من
أقاربي الحريم وهي كالتالي .....
المثال الاول :
تقول انها تحب زوجها لكن ماتغير عليه حتى مثلا لو يشوف أي شيء في التلفزيون
وانتوا عاد تعرفون البلاوي الي تطلع فيه يعني حتى المسلسلات ماخلت من هالاشكال المتبرجه والي لبسهم فاااضح وتقول أنها حتى ((ستار أكاديمي ))
البايخ والسخيف عادي لو يشوف محتوياته والحفله الاسبوعيه الي ترافقه !!!!
((طريقتها صحيحه هالحرمه ولا ثقتها العاليه بنفسها خلتها تشوف باقي البنات
قبيحات بنظرها ))؟؟؟؟؟؟
المثال الثاني :
حرمه غيورة بس بحدود طبعا تغير من شوفه زوجها للتلفزيون واذا طلعت بلاوي
في مقطع معين في مسلسل على طوول تفر القناة واذا شافت بنات فاصخين في المول تقوله خلنا نطلع ونروح مكان ثاني !!!!!!
((طريقتها صحيحه هالحرمه ولا لاء ))؟؟؟

وفي حرمه هاذي كلش ماتخلي زوجها يشوف النور من غيرتها الجنونيه هههههه
لاتلفزيون ولا طلعات معاه في أي مكان ولا تجيب خدامه في البيت خير شر من هالغيره الي ذابحتها وملعوزه زوجها معاها وعلى فكرة غيرتها حتى من الاطفال
والله هالحاله أنا عاصرتها بالفعل في حريم مجانين يغيرون من مسك رجالهم لبنات صغار لما يبوسونهم أو يشيلونهم ((الله لايبلانا ))
((هل طريقتها جيده وهل تضمن بقاء زوجها معها طول العمر أتمنى ذلك ههه))؟؟؟

حتى الغيره أنواع وأشكال أنا لاحظت لكن من وجهه نظري الخاصه ان الي يحب لازم تكون عنده لو ذرة غيره وهي دليل قاطع على الحب والاهتمام لكن الغيره الي تكون بالحدود المعقوله مو الجنونيه الي تمرض الزوجه قبل زوجها ..
أبي آرائكم في هالموضوع والتعليق على الامثله الحيه التي عايشتها
وهي حقيقيه للاسف